Фудбалски натпревар во Тајланд заврши со трагичен епилог откако силен гром удри директно на теренот за време на невреме. Во несреќата животот го загуби 24-годишниот фудбалер Сафван Авае, додека уште 12 лица се здобија со повреди.
Трагедијата се случила на стадионот „Сантифап“ во провинцијата Наратхиват, каде што се играл натпревар од турнирот „Golok FA Cup“. Очевидци раскажуваат дека по силниот блесок и ударот од гром, меѓу играчите, стручните штабови и гледачите настанал вистински хаос.
Авае, кој неодамна станал член на клубот FC Yala, веднаш бил пренесен на медицинска помош. И покрај напорите на лекарските екипи да го реанимираат, неговиот живот не можел да биде спасен.
Овој трагичен настан предизвика голем шок во спортската јавност и повторно ја отвори темата за безбедноста на спортските натпревари што се одржуваат во услови на екстремни временски непогоди.
Веста ја пренесува Podzemje.mk
