Видео снимено на Меѓународниот аеродром во Куала Лумпур (KLIA) предизвика големо негодување на социјалните мрежи, откако на него се гледа маж, за кој се тврди дека е од Кина, како му дозволува на своето мало дете да изврши голема нужда директно во корпа за отпадоци.
Снимката, која брзо стана вирална, прикажува како таткото го држи детето над кантата за ѓубре додека тоа врши нужда. Авторот на објавата наведува дека тоалетот се наоѓал во непосредна близина, но наместо да го однесе детето таму, мажот се одлучил на ваков потег.
Според сведоштвата објавени на интернет, по инцидентот низ делот за поаѓања се почувствувала непријатна миризба, што предизвикало незадоволство кај останатите патници кои се нашле во близина.
Корисниците на социјалните мрежи масовно го осудија однесувањето на мажот, оценувајќи го како нехигиенско и неодговорно, а коментарите со критики се нижеа со голема брзина.
Ова не е прв случај туристи да бидат обвинети за вршење нужда на јавни места во Малезија. Во минатото слични инциденти беа пријавени и во околината на кулите KLCC, како и во простори наменети за верско миење.
Веста ја пренесува Newswavapp.
