Фото: Принтскрин
Македонската државјанка С.С. (46) беше уапсена во Црна Гора, откако со нејзиното возило намерно прегази куче, а на социјалните мрежи се прошири верзија за тоа што претходело пред кривичното дело.
Црногорските медиуми пишуваат дека жената раскажала дека се обидела да го заштити своето семејство. Во објавите се наведува дека шарпланинецот претходно влегол во сместувањето каде била мајката со двете деца и го усмртило домашното милениче.
Потоа се наведува дека по инцидентот се собрале луѓе кои упатиле закани кон неа и децата, но засега овие информации не се потврдени од црногорската полиција.
Основното државно обвинителство во Улцињ даде налог таа да биде приведена под сомнение за кривично дело „убивање и мачење животни“.
Видеото е навистина вознемирувачко и може да го погледнете ТУКА или ТУКА.
