Тешка сообраќајна трагедија го потресе автопатот М-12 меѓу Москва и Казан, Русија.
Според првичните информации, автомобилот Audi RS5 со кој управувал 25-годишен бизнисмен од Татарстан се движел со огромна брзина, која според наводите била околу 300 километри на час, пред да удри во камион кој во тој момент преминувал во левата коловозна лента.
Од силниот удар, моќниот спортски автомобил бил целосно уништен. Возачот и неговиот сопатник починале веднаш на местото на несреќата.
Медиумите наведуваат дека возилото било без регистарски таблички и дека во минатото имало евидентирани стотици сообраќајни прекршоци, меѓу кои и голем број казни за пребрзо возење.
Надлежните органи започнаа истрага за утврдување на сите околности околу несреќата и причините кои довеле до трагичниот исход.
Веста ја пренесува Novevesti.rs
