Нови цени од полноќ: Значително поскапуваат бензините и дизелот

Регулаторната комисија за енергетика (РКЕ) ги донесе новите малопродажни цени на нафтените деривати, кои ќе стапат во сила од полноќ.

Според одлуката на РКЕ, бензините, дизелот и екстра лесното масло за домаќинство ќе се продаваат по повисоки цени во однос на досегашните.

Цената на ЕУРОСУПЕР БС-95 се зголемува за 3 денари по литар и ќе изнесува 90 денари за литар, додека ЕУРОСУПЕР БС-98 исто така поскапува за 3 денари, со нова цена од 92 денари за литар.

Најголемо зголемување има кај дизелот. Малопродажната цена на ЕУРОДИЗЕЛ (Д-Е V) се зголемува за 6 денари по литар, па од полноќ ќе се продава по 94 денари за литар.

Повисока ќе биде и цената на екстра лесното масло за домаќинство (ЕЛ-1), кое поскапува за 7 денари по литар и ќе чини 93 денари за литар.