Во болница во североисточниот дел на Делхи, Индија, се случил сериозен инцидент кога тавански вентилатор се откачил и паднал врз пациент кој во тој момент примал медицинска помош во одделот за итни случаи.
Несреќата се случила на 18 јули во болницата „Тег Бахадур“. Освен пациентот, повредена била и медицинска сестра која се наоѓала покрај него и му укажувала здравствена нега.
Неколку часа по инцидентот, пациентот починал. Од управата на болницата соопштиле дека смртта не е директна последица на падот на вентилаторот, туку дека лицето имало претходни сериозни здравствени проблеми.
Случајот предизвика големо внимание во јавноста и повторно ги отвори прашањата за безбедноста и одржувањето на инфраструктурата во здравствените установи.
Веста ја пренесува Mustsharenews.
