Трагична сообраќајна несреќа се случи вчера вечер во центарот на Белград, каде што животот го загуби маж на околу 50-годишна возраст, откако мотоциклот што го управувал се запалил по несреќата.
На местото веднаш пристигнала екипа на Итната медицинска помош, но лекарите можеле само да ја констатираат смртта на мотоциклистот.
Според првичните информации, полицијата го обезбедила целиот простор и спроведувала увид за да ги утврди причините за трагедијата. Поради истрагата, сообраќајот во дел од улицата бил целосно запрен.
Телото на загинатиот останало на коловозот, додека во негова близина се наоѓал мотоциклот, кој бил целосно уништен од огнот.
Сведоците раскажуваат дека сцените биле исклучително потресни. Пријатели и познаници на загинатиот пристигнале на местото и во солзи се простувале од него, а еден од нив неутешно го прегрнувал телото.
Еден очевидец изјавил дека мотоциклистот во еден момент ја изгубил контролата над возилото, по што нагло свртел и забрзал, што најверојатно довело до несреќата.
Веста ја пренесува Telegraf.rs
