Сообраќајна незгода денеска предизвика застој на автопатот Тетово–Скопје, откако патничко возило излетало надвор од коловозот. Поради интервенцијата на надлежните служби, возилата во моментов се пропуштаат само по една сообраќајна лента.
Според првичните сознанија, во непосредна близина на местото на несреќата е запрен и товарен камион. Засега не е потврдено дали камионот бил директно вклучен во инцидентот или неговото запирање е поврзано со случувањето.
На делницата се задржани и повеќе автомобили кои во моментот на несреќата се движеле пред и зад возилото што излетало од патот, додека надлежните ги утврдуваат сите околности.
Во овој момент нема официјална потврда дали има повредени лица. Повеќе информации се очекуваат по увидот и официјалното соопштение од Министерството за внатрешни работи.
Веста ја пренесува Skopje1.mk
