Вељко Ражнатовиќ и неговата сопруга Богдана отпатуваа за Шпанија, каде ќе се приклучат на семејството по радосната вест дека Анастасија Гудељ го роди своето прво дете.
Вељко најпрво се огласи на социјалните мрежи од аеродромот, објавувајќи фотографија на која позира со Богдана. Двајцата беа видно расположени и насмеани пред полетувањето.
Набрзо потоа следуваше и фотографија од авионот, на која Богдана опуштено уживаше пред летот кон Шпанија. Вељко објавата ја придружи само со знамето на Шпанија, со што јасно откри каде се упатуваат.
Во меѓувреме, Цеца Ражнатовиќ, според српските медиуми, по завршувањето на својот настап во Црна Гора веднаш ќе отпатува за Севилја. Таа ќе се сретне со семејството Гудељ, а сите заедно ќе го прослават доаѓањето на најновиот член на семејството.
Веста ја пренесува Telegraf.rs
