Во Националниот парк Јелоустоун во Соединетите Американски Држави се случил сериозен инцидент кога возрасен бизон нападнал посетител. Според информациите од очевидци, животното било видно вознемирено и агресивно уште пред нападот, удирајќи во сè што ќе му се најдело на патот.
Во еден момент бизонот налетал на турист и со силен удар го оттурнал, при што човекот бил исфрлен на речиси два и пол метри. Набрзо пристигнале екипи на итната помош, кои му укажале лекарска грижа. Иако немал видливи надворешни повреди, повредениот се пожалил на силни болки во колкот и ногата.
Ова е втор ваков случај во Јелоустоун од почетокот на годината. Во јуни, бизон нападнал и 12-годишно момче, што повторно ја отвори темата за безбедноста на посетителите во паркот.
Еден од сведоците изјавил дека туристите кои биле во непосредна близина не презеле никаква постапка што би можела да го испровоцира или дополнително да го разгневи животното.
Веста ја пренесува Hypetv.hr
