Фото: Принтскрин
Тешка трагедија го потресе Гостивар, откако 14-годишно девојче од Кавадарци го загуби животот по несреќен пад од лулашка во градски парк.
Од СВР Тетово информираат дека синоќа околу 20:20 часот од Медицинскиот центар во Гостивар било пријавено дека во установата било донесено малолетно девојче без знаци на живот.
Според првичните информации, девојчето претходно паднало од лулашка во парк во Гостивар, по што веднаш било пренесено во болница. И покрај обидите на медицинскиот персонал да го спаси, дежурниот лекар во 20:55 часот ја констатирал смртта.
За настанот е известен јавен обвинител, кој наредил телото на починатата да биде предадено на обдукција. Резултатите од обдукцијата треба да ги утврдат точните околности и причината за смртта, додека надлежните институции продолжуваат со истрагата за случајот.
Веста ја пренесува Fokus.mk
