Фото: Принтскрин
Тешка сообраќајна несреќа го потресе струмичкиот регион откако 42-годишна жена загина во директен судир меѓу автомобил и товарно возило на локален пат кај селото Робово.
Несреќата се случила во текот на вчерашниот попладневен период, кога од засега непознати причини дошло до силен удар меѓу автомобилот „опел астра“, управуван од жената, и камион марка „ман“ со скопски регистарски ознаки.
Од жестокиот судир, возачката Р.Г.Р. се здобила со тешки телесни повреди. По првичната медицинска помош укажана во Струмица, таа била веднаш пренесена на лекување во Скопје.
И покрај напорите на лекарите и спроведената итна медицинска интервенција во Комплексот клиники „Мајка Тереза“, жената не успеала да ги преживее повредите.
По пријавувањето на несреќата, екипи од СВР Струмица извршиле увид на местото на настанот. Надлежните органи продолжуваат со истрагата за да ги утврдат сите детали и причините што довеле до трагичниот настан.
Веста ја пренесува Сител телевизија.
