Нов случај на врсничко насилство повторно ја вознемири македонската јавност, откако на социјалните мрежи се појави видео од инцидент што се случил во скопската населба Аеродром.
На видеото може да се забележи како малолетно девојче физички напаѓа своја врсничка, удирајќи ја со шлаканици и влечејќи ја за косата. Наместо да интервенираат и да го спречат насилството, присутните малолетници го следат настанот, снимаат со мобилни телефони и со довикувања ја поттикнуваат ситуацијата.
Од Министерството за внатрешни работи информираа дека веќе постапуваат по случајот.
Настанот предизвика силни реакции кај граѓаните, кои изразуваат загриженост поради сè почестите случаи на врсничко насилство. Во јавноста се упатуваат повици за поголема одговорност, засилено присуство на надлежните институции и поефикасни мерки за заштита на младите.
Социјалните мрежи се преплавени со коментари, а најголемиот дел од нив го осудуваат насилството и рамнодушноста на присутните кои, наместо да помогнат, го снимале и охрабрувале инцидентот.
Во продолжение пренесуваме дел од реакциите.
Веста ја пренесува Crnobelo.com
