Правникот и политички аналитичар Умејр Муамеди на социјалните мрежи сподели видео за кое тврди дека прикажува инцидент во кој постар маж физички и вербално нападнал 10-годишно девојче.
Според неговата објава, настанот се случил непосредно пред неговата канцеларија. Муамеди наведува дека мажот ги обвинил децата дека ја оштетуваат клупата, иако, како што тврди, таа не била скршена. Според него, обвинението било само изговор за да ги избрка децата од местото, при што претходно им упатил и навредливи зборови.
„Инцидентот се случи пред мојата канцеларија. Постар човек нападна 10-годишно девојче, обвинувајќи го дека ја крши клупата, иако тоа не беше точно. Клупата беше целосно исправна, а целта беше само да ги оттурне децата од таму. Пред тоа следуваа и бројни навреди“, напиша Муамеди во својата објава.
Тој посочува дека девојчето било видно исплашено и вознемирено по настанот. Дополнително тврди дека мајката не сакала да дојде на местото на инцидентот, ниту да го земе детето.
Муамеди истакна и дека полицијата реагирала брзо, наведувајќи дека полициските службеници пристигнале за околу четири минути по пријавувањето на случајот.
Видеото од нападот може да го погледнете ТУКА.
Веста ја пренесува Premiernews.mk
Видео: Umejr Muhamedi
