Македонската музичка сцена се збогува со една од своите најголеми ѕвезди. Владо Јаневски почина на 66-годишна возраст по кратко боледување, а денеска ќе биде погребан на градските гробишта во Бутел.
Според информации од блиски извори, една од неговите последни желби била да биде испратен во вечноста облечен во костимот што го носел на настап на фестивалот „Макфест“, вклучувајќи и брош на сакото – симбол на неговиот рано изграден музички пат.
Во Скопје, вечерта пред погребот, бројни граѓани се собраа пред Арената „Борис Трајковски“, каде со свеќи, солзи и изведби на негови песни му оддадоа последна почит на пејачот кој остави силен белег во македонската поп музика.
Макфест останува еден од најзначајните моменти во неговата кариера, каде што во раните 90-ти години постигна големи успеси и ја зацврсти својата популарност кај публиката.
Веста ја пренесува Plusinfo.mk
