Македонскиот пејач Давид Груевски од Тетово е големиот победник на првата сезона од музичкото натпреварување „Hype Zvezde“.
Во големото финале, кое се одржа денеска, настапија 20 финалисти, а Давид успеа да ја освои победничката титула и да ѝ донесе голем успех на Македонија. На финалето тој ја запеа „Македонско девојче“, со која ја воодушеви публиката.
Овој триумф претставува големо признание не само за Давид Груевски, туку и за македонската музичка сцена, потврдувајќи дека домашните млади таленти имаат квалитет, посветеност и потенцијал да се истакнат и на регионалните музички натпреварувања.
Победата на Давид е уште една причина за гордост и доказ дека Македонија продолжува да создава успешни и перспективни музички имиња.
Веста ја пренесува Hypetv.mk
