По неколкумесечна неизвесна музичка битка, првата сезона на натпреварувањето „Hype Ѕвезди“ го доби својот победник. Најголемата поддршка од публиката ја доби македонецот Давид Груевски, кој заслужено ја понесе победничката титула и главната награда во вредност од 50.000 евра.
Финалната вечер донесе голема возбуда, а покрај прогласувањето на победникот, беше соопштено дека сите 20 финалисти ќе добијат можност да снимат авторска песна и музички спот. Со ова, продукцијата на „Hype“ најави сериозна поддршка за понатамошниот развој на младите музички таленти.
Вкупниот награден фонд оваа сезона изнесуваше 100.000 евра. Освен Давид Груевски, награди освоија и второпласираниот Емран Мусиќ, кој доби 30.000 евра, како и третопласираната Слободанка Танева, на која ѝ припадна награда од 20.000 евра.
Организаторите приредија уште едно изненадување за време на финалето. Беше доделена и специјална награда од стручното жири во износ од 10.000 евра, која ја освои Сања Тодоровиќ.
Со ова спектакуларно финале заврши првата сезона на „Hype Ѕвезди“, а победниците и финалистите добија силен поттик за својата музичка кариера.
Веста ја пренесува Kurir.rs
