Фото: Принтскрин
Најдобрата македонска тенисерка Лина Ѓорческа испиша нова страница во македонскиот спорт, откако денеска обезбеди место во главниот турнир на Вимблдон.
Ѓорческа одигра одличен меч во последното квалификациско коло и убедливо ја совлада Лучиа Бронѕети со 2-0 во сетови. Македонската тенисерка доминираше од самиот почеток, го освои првиот сет со убедливи 6-1, а во вториот продолжи во ист ритам и триумфираше со 6-2 за големо славје.
Со овој успех, Ѓорческа за првпат во кариерата ќе настапи во главниот дел на еден гренслем-турнир, откако во изминатите години неколкупати беше блиску до остварување на оваа цел.
Пласманот на Вимблдон претставува еден од најголемите успеси во кариерата на македонската тенисерка.
