Унгарската полиција приведе 30-годишен маж кој е осомничен за незаконско собирање и поседување човечки останки.
Според информациите објавени од Националното биро за истраги, при претрес на неговиот дом биле пронајдени повеќе човечки останки и биолошки материјали. Истражителите во моментов работат на утврдување на нивното потекло и на околностите под кои биле набавени.
Осомничениот, кој бил вработен во здравствена установа, за време на разговорите со истражните органи изјавил дека имал голем интерес за човечката анатомија и медицинските науки.
Од Националното биро за истраги посочуваат дека мажот подолг период покажувал интерес за анатомија, патологија и сродни области. Според досегашните сознанија, дел од останките можеби потекнуваат од неговото работно место, додека за друг дел се проверуваат информации дека биле земени од напуштени гробишта во Унгарија и Словачка.
Истрагата е во тек, а надлежните институции продолжуваат со вештачења и проверки со цел да ги утврдат сите факти поврзани со случајот.
Веста ја пренесува Skopje1.mk
