Бојан Јовановски – Боки 13 направи целосен пресврт на својот Инстаграм профил, отстранувајќи ги сите објави што со години ги споделуваше. Повеќе од 15 години фотографии, видеа и моменти од неговиот приватен и јавен живот се целосно избришани.
Наместо досегашната профилна фотографија, сега на неговиот профил стои едноставна црна слика, што дополнително ги поттикна реакциите и прашањата во јавноста.
Со оваа „чистка“ исчезна и целата негова дигитална архива, во која беа документирани бројни средби, јавни појавувања и дружби со личности од политиката, бизнисот, естрадата и општествениот живот.
Меѓу содржините што повеќе не се достапни се и фотографии со Лила Филиповска, Стефан Богоев, Зоран Заев, Александар Кирацовски, Фросина Ременски, како и со други познати лица од земјата и странство.
Овој потег доаѓа кратко откако Јовановски најави крај на сезоната на својот поткаст, без да открие дали и кога проектот би продолжил.
Покрај тоа, во истиот период најави и голем концерт во Белградската арена, кој го најавува како спектакуларен настан, како и можно враќање на музичката сцена со нови песни по периодот што го помина во затвор.
Засега, Јовановски не даде официјално објаснување зошто се одлучил да ја избрише целата содржина од својот Инстаграм профил.
Веста ја пренесува Mediaset.mk
