Во текот на судскиот процес против родителите на момчето кое го изврши масакрот во Основното училиште „Владислав Рибникар“ во Белград, во јавноста беа изнесени делови од приватна комуникација која предизвика силни реакции во судницата.
Според изјавите на адвокатите на семејствата на жртвите, при вештачење на мобилните телефони биле откриени пораки разменувани меѓу мајката и нејзиниот син, кои датираат од претходните години и покажуваат сериозни семејни конфликти.
Во една од пораките, синот наводно ѝ напишал на мајката: „Те мразам“, додека во подоцнежна комуникација таа му возвратила со навредлив тон. Дел од пораките, прочитани во судницата, укажуваат на честo напнати односи, караници и меѓусебни обвинувања.
Мајката, според изнесеното, во една порака му се обратила со зборови кои дополнително ја потресоа јавноста, изразувајќи разочараност и предупредувајќи дека однесувањето на детето ја доведува семејната ситуација во хаос.
Адвокатите на оштетените семејства во своите завршни зборови истакнале дека ваквите докази се дел од поширока слика за односите во семејството и околностите во кои растело детето.
Во исто време, било наведено дека при анализа на дигитални уреди се пронајдени податоци за интернет активности на малолетникот, кои дополнително се користеле како доказен материјал во постапката.
Судскиот процес се води за утврдување на евентуална одговорност на родителите по трагичниот настан од 3 мај 2023 година, кога во училиштето беа убиени девет ученици и еден училишен чувар, а повеќе лица беа повредени.
Во завршните излагања било нагласено дека истрагата опфатила и анализа на дигитални траги, интернет историја и други податоци, кои според тужителите биле важни за разбирање на контекстот на настаните.
Веста ја пренесува Kurir.rs
