Фото: МВР
Во Министерството за внатрешни работи се воведуваат измени во правилата за изгледот на полициските службеници, со кои се дозволуваат уредно одржувани бради и одредени видови тетоважи.
Овие промени се донесени по иницијатива на Гранскиот независен синдикат на полицијата и се веќе прифатени од МВР. Според новите насоки, брадата ќе биде дозволена само доколку е кратка, средена и редовно одржувана, без да влијае на професионалниот изглед или користењето на службената опрема.
Исто така, дозволени се тетоважи на горните делови од рацете, но само доколку не содржат навредливи, расистички или непристојни симболи и пораки.
Сè уште останува обврската полицајците да бидат уредно потстрижени, а мустаќите не смеат да ја надминуваат линијата на горната усна.
Од МВР порачуваат дека целта на овие измени е модернизација и приближување кон современите стандарди, при што останува јасен фокусот на дисциплината, професионалноста и угледот на службата.
Веста ја пренесува 24chasa.mk
