Вишиот суд во Белград донесе конечна одлука и ги потврди затворските казни за родителите на малолетниот Коста Кецмановиќ, кој во мај 2023 година го изврши масовното убиство во основното училиште „Владислав Рибникар“ во Белград.
По повтореното судење, таткото Владимир Кецмановиќ е осуден на 14 години и 6 месеци затвор, поради тешко дело против општата безбедност, како и за занемарување и запуштање на малолетниот син. Мајката, Миљана Кецмановиќ, доби казна од 2 години и 11 месеци затвор за истото кривично дело поврзано со родителска негрижа, односно вкупно 17,5 години затвор за двајцата.
Во постапката беа опфатени и лица поврзани со случајот. Инструкторот во стрелачкиот клуб „Партизан“, Немања Маринковиќ, во претходна жалбена одлука доби една година домашен притвор, додека сопственикот на клубот, Ратко Ивановиќ, беше санкциониран со пет месеци домашен притвор.
Овој трагичен настан, во кој тогаш 13-годишниот Коста Кецмановиќ уби девет ученици и еден училиштен чувар, го потресе целиот регион и остави длабоки последици во јавноста.
Веста ја пренесува 24chasa.mk
