На подрачјето кај „Машка плажа“ во Струга е пронајдено безживотно тело на млад маж, на возраст од 20 години, во водите на Охридското Езеро.
Од полицијата во Струга информираат дека случајот им бил пријавен откако било забележано тело во водата. На местото на настанот излегле надлежните служби.
Лекар од струшката болница констатирал смрт, при што не биле утврдени траги на насилство. По преземените проверки, идентификувано е дека се работи за С.С. (20) од селото Октиси, струшко.
Од СВР Охрид наведуваат дека се преземаат сите потребни мерки за целосно расчистување на околностите под кои се случил настанот.
Веста ја пренесува Fokus.mk
