Фото: Принтскрин
Македонскиот научник Петар Поповски, кој е професор на Универзитетот во Олборг, Данска објави дека бил примен во Кралската академија на науките и книжевноста во земјата.
„Привилегиран сум што станав член на Кралската данска академија на науките и книжевноста. Би сакал да им се заблагодарам на научниците кои ја поддржаа мојата номинација“, кажа професорот Поповски.
Поповски е роден во Охрид во 1973 година, а долги години работи и живее во Данска и е експерт за безжични комуникациски системи.
