Македонскиот пејач Александар Темелков повторно се најде во центарот на вниманието, но овојпат поради својот целосно променет изглед. Само кратко време по објавата дека става крај на бракот со сопругата Сара, музичарот ги изненади своите следбеници со неочекувана трансформација.
Темелков, кого публиката со години го препознаваше по неговата препознатлива фризура, одлучи да направи радикален чекор и целосно да ја избричи косата. Новиот имиџ веднаш стана тема на разговор на социјалните мрежи, каде што неговите обожаватели масовно ги споделуваа своите впечатоци.
Реакциите беа различни. Дел од фановите сметаат дека промената му прилега и дека изгледа посвежо и помодерно, додека други признаваат дека едвај го препознале на прв поглед.
Неодамна пејачот јавно потврди дека тој и Сара решиле да тргнат по различни животни патишта по повеќе од две години брак. Притоа нагласи дека и покрај разводот ќе продолжат да одржуваат коректни односи и заеднички да се грижат за нивниот син Мите.
Дали новиот изглед е само освежување за летниот период или симбол на нов почеток во животот на Темелков, останува да покаже времето.
Веста ја пренесува newz24live.com
