Фото: Принтскрин
Минатата ноќ се случи тешка сообраќајка во Скопје, при што животот го загуби 19-годишниот Музафер Фетахи.
Неговите пријатели се збогуваат на социјалните мрежи по големата трагедија откако со мотоцикл се судри со автомобил.
Видеото од сообраќајната незгода, кое е вознемирувачко, може да го погледнета на своја одговорност на „Скопје1“ (ТУКА).
„Јавен обвинител од Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека сторило – Тешки дела против безбедноста на луѓето и имотот во сообраќајот од член 300 став 2 во врска со член 297 став 1 од Кривичниот законик.
Осомничениот 31-годишник вчера во вечерните часови управувал автомобил Ауди А4 по булеварот “Никола Карев” и кога дошол до крстосницата со улицата “Прохор Пчињски”, не ја почитувал сообраќајната сигнализација и на удвоена полна линија навлегол во двете сообраќајни ленти за возилата од спротивен правец, свртувајќи во лево на крстосницата.
Исто така, спротивно на Законот за безбедност на сообраќајот на патиштата, возилото го управувал под дејство на наркотична дрога“, соопштија од Обвинителството.
