Фото: Принтскрин
Тринаесетгодишно момче од кумановското село Черкези го загуби животот во тешка сообраќајна несреќа која се случи синоќа на регионалниот пат што ги поврзува Куманово и Скопје.
Според информациите од СВР Куманово, несреќата се случила кога патнички автомобил „Мерцедес“ со кумановски регистарски ознаки, управуван од 24-годишниот Ф.С. од Куманово, удрил во електричен тротинет на кој се наоѓало детето.
Малолетникот веднаш бил пренесен во Општата болница во Куманово, но лекарите констатирале смрт на местото на приемот.
Полицијата информира дека возачот на автомобилот е приведен и се наоѓа во полициска станица, додека истражните органи спроведуваат увид. На лице место извршиле увид јавен обвинител од Основното јавно обвинителство и екипа на СВР Куманово, со цел целосно да се утврдат причините за трагедијата.
Веста ја пренесува Skopje1.mk
