Познат македонски бизнисмен ќе формира нова политичка партија

Поранешниот градоначалник на Град Скопје и македонски бизнисмен, Трифун Костовски најави дека ќе формира нова политичка партија.

„Партијата ќе биде составена од членови на возраст од полнолетство со неограничен век на старост. Ги повикувам сите искусни и неискусни мои сограѓани кои имаат желба Македонија да опстои како држава во која ќе создадеме иднина за нашите поколенија, да размислат и да се приклучат кон ваквата моја визија. Не барам власт за себе, туку можност за освестување на државно ниво, Македонија да биде пред секоја партија! Ова никако не е повик за поделба, туку повик за обединување на сите што ја сакаат Македонија без услови и лична корист.

Правото и правдата мора да завладеат во државата. При мртва правда надежта умира…

Ова е извадок од мојата утрешна колумна насловена “Македонија на крстопат-време е да ја вратиме државата”“, објави Костовски.