На социјалните мрежи, особено на Инстаграм, се прошири видео снимено на граничниот премин меѓу Србија и Северна Македонија, кое предизвика големо внимание кај јавноста. Во снимката може да се слушне разговор меѓу патници и полициски службеник, кој првично им соопштил дека со возилото не можат да влезат во државата поради недостиг на потребна документација за сопственост.
Според разговорот што се води во автомобилот, ситуацијата подоцна се променила, а службеникот наводно побарал некој од патниците да остави пари во тоалетот. Лицата во возилото коментираат дека не им било прецизирано колкава сума треба да остават, туку само им било посочено да остават „нешто за кафе“.
Човекот кој тврди дека ги оставил парите наведува дека моментот не бил снимен, па затоа тој дел од настанот не е документиран во видеото.
Веста ја пренесува Infomax.mk
