Во центарот на Скопје вчера се случил сериозен инцидент при изведување градежни работи, кога дошло до свлечиште на земјиште на улицата „Христо Смирненски“. Според информациите од МВР, багер кој бил ангажиран за ископување на градежна дупка бил затрупан, но багеристот успеал навреме да се извлече без повреди.
Настанот бил пријавен во СВР Скопје околу 13:30 часот. При свлечиштето биле оштетени делови од тротоарот на улицата „Митрополит Теодосиј Гологанов“, како и коловозот на „Христо Смирненски“. Дополнително, паднала и бандера која оштетила патничко возило „дачија сандеро“ во сопственост на скопјанецот Е.М.
За случајот биле известени јавен обвинител, Центарот за управување со кризи, ЕВН, Општина Центар и Државниот инспекторат за труд.
Веста ја пренесува Tocka.mk
