Фото: Викторија Миланова
Во трагична сообраќајка на скопската обиколница загинаа четири лица од Македонија, кога косовски државјанин со товарно возило ја проби банкината и премина на спротивната лента.
Животите во незгодата ги загубија Марко Ѓорѓиевски, Петар Миланов, Адам Велков и Ристе Велков, а мајката на Петар објави потресна порака на социјалните мрежи.
„Мајкин мој, најубав мој, најсакан мој, ти ми беше мојата прва среќа, прва љубов најголема. Беше најдобриот син што може една мајка да посака, и секогаш ме правеше горда мајка. Господ прерано ми те зема мајкин, болката е преголема. Нека ми те чуваат ангелите мајка, премногу е тешко да го замислам животот без тебе, мајки. Те сакам најмногу и ќе те сакам најмногу засекогаш, засекогаш мајкин мој. Почивај во мир мајкино дете мое“, напиша Викторија.
