Охрид ја совлада Татабања – дома ќе го заверува пехарот во Европскиот куп

Охрид со минимална, но злато вредна предност ќе патува на реваншот во финалето од ЕХФ Европскиот куп, откако во првиот натпревар ја совлада Татабања со 29-28.

Македонскиот претставник долго време имаше контрола врз резултатот и во второто полувреме создаде солидна разлика од шест голови (25-19), најавувајќи мирен финиш. Сепак, падот во играта во завршницата внесе неизвесност, бидејќи Охрид повеќе од шест минути не успеа да ја затресе мрежата.

Гостите од Унгарија ја искористија таа серија и во 55. минута се вратија целосно во игра, израмнувајќи на 26-26. Но, кога натпреварот влезе во последните секунди, охриѓани покажаа карактер и смиреност. Ѓукиќ беше човекот на одлука, откако на пет секунди до крајот постигна погодок за конечни 29-28 и големо славје на трибините.

Конечната разврска за европскиот трофеј ќе падне на 31 мај, кога реваншот ќе се игра во Охрид.