Рускиот претседател Владимир Путин во понеделникот вечерта лично возел низ улиците на Москва, каде што остварил средба со својата некогашна учителка Вера Гуревич, на која ѝ упатил покана за вечера во Кремљ.
Снимката од средбата беше објавена од Кремљ, а на неа може да се види Путин како пристигнува во хотел во московската населба Арбат со луксузен автомобил, облечен во лежерна комбинација и со букет цвеќе во рацете.
Портпаролот на Кремљ, Дмитриј Песков, изјави дека Вера Гуревич била поканета во главниот град за да присуствува на свечената парада по повод Денот на победата, која традиционално се одржува на 9 мај на Црвениот плоштад.
Во текот на посетата, Путин накратко разговарал и со еден од гостите во хотелот, кој изјавил дека допатувал од Сочи специјално за одбележувањето на Денот на победата.
Веста ја пренесува Skopje1.mk
