„Јас не познавам друг народ кој повеќе страдал од предавствата на своите синови“: Гоце Делчев загина пред 123 години

Македонскиот револуционер Гоце Делчев загина пред 123 години, односно на 4 мај 1903 година во селото Баница, во борба со османлиските сили.

Гоце Делчев е роден на 4 февруари 1872 година во Кукуш, во семејство на Султана и Никола, а учел во гимназијата во Солун и Воената академија во Софија.

По неговата смрт, останките се чувале во селото Баница до 1917 година, по што биле пренесени во Ксанти, па во Софија, но на 11 октомври 1946 гоидна се враќат во Македонија и се пренесени во црквата „Свети Спас“ во Скопје.

„Јас не познавам друг народ кој повеќе страдал од предавствата на своите синови – изроди како македонскиот. Историјата не памети друг таков пример кога еден ист народ по традиција, јазик и вера се разделува на разни спротивни страни, една од друга потуѓа..“, е една од најпознатите мисли на македонскиот револуционер.