Фото: Принтскрин
Голем пожар избувна во Визбегово во отпад, а противпожарни екипи се на терен и работат на локализирање на пожарот.
Градоначалникот на Град Скопје, Орце Ѓорѓиевски информира дека во тек е интервенција за гаснење на пожарот.
„Ве информираме дека во тек е интервенција за гаснење на пожарот кој денес избувна во Визбегово, на локација кај обиколницата, каде запален е приватен имот каде што биле складирани стари автомобили.
Скопската противпожарна бригада на Град Скопје веднаш е излезена на терен и со сите расположливи возила, опрема и човечки капацитети активно дејствува во справување со пожарот.
Паралелно, на терен се и инспекторите на Град Скопје, а за случајот се информирани Министерството за внатрешни работи, Државниот инспекторат за животна средина, како и Јавното обвинителство.
Апелираме до граѓаните за смиреност, внимателност и почитување на насоките на надлежните служби.
Состојбата се следи внимателно, а институциите постапуваат координирано, со цел пожарот да биде ставен под контрола, да се заштитат граѓаните и да се утврди одговорност за настанатата состојба.
Градот Скопје нема да дозволи неодговорното однесување и создавањето диви депонии да го загрозуваат здравјето на граѓаните и животната средина.
Секој што го загрозува јавниот интерес, мора да сноси одговорност“, објави Ѓорѓиевски.
