Млад Палестинец го загуби животот, додека уште пет лица, меѓу кои и дете, беа повредени во неделните израелски напади во Наблус, град во северниот дел на окупираниот Западен Брег, како и во Источен Ерусалим, информираше Министерството за здравство.
Според нивните информации, 26-годишниот Најеф Фирас Зијад Самаро бил убиен, а четири лица биле ранети со боева муниција за време на упад на израелската војска во Наблус.
Од Палестинската Црвена полумесечина соопштија дека околу 40 Палестинци покажале симптоми на гушење поради употреба на солзавец за време на воената операција, при што десетмина биле пренесени во болница.
За време на акцијата, израелските сили употребиле солзавец и шок-бомби против цивили, медицински екипи и новинари, а биле распоредени и пешадиски патроли во повеќе делови од центарот на градот.
Палестинската новинска агенција ВАФА објави дека израелските сили навлегле во градот и извршиле претреси во повеќе продавници, при засилено воено присуство.
Веста ја пренесува Trtbalkanbhsc.
