Фото: Принтскрин
Членот на ЦО на СДСМ, Рубин Земон стана главна тема во претходните денови откако во поткасот „Коридор 8“ кажа дека Гоце Делчев не направил ништо за Македонија, но сега се извини и посочи дека погрешно бил разбран.
Земон кажа дека немал намера да ја намали важноста на Гоце Делчев, туку сакал да укаже дека треба да се даде поголемо вреднување на личности како Димитрија Чуповси и Крсте Петков Мисирков.
„Бидејќи гледам дека работата денес отиде во други димензии, сакам да објаснам дека во никој случај не сум помислил, ниту нешто сум направил за да ја намалувам вредноста, значењето и големината на великанот Гоце Делчев за македонската историја и неговата улога. Она за што говорев е повеќе за тоа што во нашата колективна меморија се запоставени Чупоски и Мисирков и дека и тие исто така треба да се на пиедесталот, особено за развојот на македонскиот идентитет. Тоа беше мојата дискусијата и тоа беше мојата поентата. Во никој случај не сум имал намера да се каже нешто против Гоце Делчев, којшто е на пиедесталот на македонската историја. Се извинувам на сите доколку нешто поинаку било разбрано или протолкувано.
А тие што ширеа говор на омраза ќе се соочат со законот. П.с. Благодарам на сите што денес ми се јавуваа и ми даваа поддршка..“, објави Земон.
