Маж од индиската сојузна држава Одисха ги ископал посмртните останки на својата сестра и ги носел околу три километри до банка, откако не успеал да обезбеди потврда за нејзината смрт.
Во изјава за медиумите, тој објаснил дека веќе два месеца се соочува со проблеми по смртта на неговата 56-годишна сестра. Таа работела повремени сезонски работи, а по загубата на сопругот и синот се вратила да живее во семејниот дом. Неколку месеци пред да почине, продала дел од добитокот и депонирала околу 19.300 рупии (приближно 175 евра) во банка.
Кога братот се обидел да ги подигне средствата, од банката му побарале официјален доказ за нејзината смрт. По повеќе неуспешни обиди да ја обезбеди потребната документација, тој одлучил да ги однесе посмртните останки во банката како „доказ“.
Подоцна го потврдил истиот мотив и пред полицијата која пристигнала на местото на настанот. Од банката, пак, негирале дека побарале таков чекор, нагласувајќи дека од клиентот биле барани само законски документи, а дека случајот најверојатно произлегол од недоразбирање и непознавање на процедурите.
Веста ја пренесува Trtbalkanbhsc.
