Фото: Принтскрин
Македонската женска кадетска селекција обезбеди место во финалето на Светското првенство во училишен ракомет, откако убедливо ја совлада Турција со резултат 30-22.
Натпреварот започна во израмнет ритам, при што двете репрезентации на пауза заминаа со нерешен резултат (12-12). Сепак, во второто полувреме македонските ракометарки целосно ја презедоа иницијативата, го засилија темпото и успеаја да се одлепат резултатски за сигурен триумф во салата „Македонско сонце“.
Со оваа победа, Македонија обезбеди пласман во големото финале, каде што ќе се соочи со селекцијата на Хрватска во битка за златниот медал.
