Дежурен јавен обвинител и истражители од Секторот за криминалистичка полиција при МВР на Тузланскиот кантон извршиле увид во Сребреник, во населбата Брда, каде во доцните попладневни часови биле пронајдени телата на сопружниците Заим Булјубашиќ (64) и Индира Булјубашиќ (58).
Според достапните информации од истрагата, се работи за тешка семејна трагедија. Постои сомнеж дека сопругот ѝ го одзел животот на сопругата со остар предмет, по што си го одзел сопствениот живот во дворот пред куќата. Случајот е под понатамошна истрага.
Веста ја пренесува Dnevniavaz.
