Генералот Ратко Младиќ се наоѓа во исклучително тешка здравствена состојба – речиси не може да зборува, ниту самостојно да стане од кревет или дури да седне.
На тоа предупредува неговиот син Дарко Младиќ, кој најави дека ќе отпатува во Хаг, додека медицински тим ќе го прегледа генералот во наредните денови.
Според неговите зборови, двајца лекари од Србија – кардиолог и невролог – ќе пристигнат во хашкиот затвор за да извршат детален преглед, бидејќи здравствената состојба на Младиќ сериозно се влошила.
Дарко Младиќ истакна дека неговиот татко е многу изнемоштен и има големи потешкотии со говорот и движењето. Тој додаде дека и официјалната затворска документација потврдува значително влошување на здравјето.
Во меѓувреме, семејството очекува одговор од Хаг на барањето поднесено од Србија и Русија до Советот за безбедност на ОН, со кое се бара негово ослободување од хуманитарни причини или префрлање во Србија.
Претходно, руски претставници во ОН побараа Младиќ да биде пуштен на слобода или да му се овозможи лекување во Србија, со цел да ги помине последните години од животот со соодветна нега.
Инаку, Младиќ досега преживеал најмалку два мозочни удари и бил подложен на повеќе хируршки интервенции.
Тој беше уапсен во 2011 година, а во 2017 година Меѓународниот кривичен трибунал за поранешна Југославија го осуди на доживотен затвор по повеќето точки од обвинението.
Веста ја пренесува Informer.rs
