Фото: Принтскрин
Пратеникот на ДУИ, Блерим Беџети објави статус на социјалните мрежи во кои побара итно да биле донесени уставни измени со кои Бугарите треба да бидат внесени во Уставот.
„Уставните измени не можат и не смеат повеќе да чекаат. Бугарија влегува во политичка стабилност, а регионот оди напред, додека ние продолжуваме да бараме оправдувања и да се однесуваме како да имаме бескрајно време. Немаме. Секој ден без одлука е чекор назад, реална цена за државата и за граѓаните.
Ова повеќе не е прашање на време. Ова е прашање на иднината на нашите деца.
Времето на политички калкулации заврши. Времето на бегање од реалноста заврши. Албанците немаат време да чекаат и нема повеќе да бидат заложници на политички игри, ниту на интересите на „падронот“, ниту на „вазалот“. Ова повеќе не е прашање за дебата, туку неопходност за иднината.
Ако сакаме да одиме напред како држава, мора да носиме одлуки сега. Секое одложување денес ќе се плаќа со години. Уставни измени сега. Не утре“, објави Беџети.
