Фото: Igor MC Jakimovski
Македонскиот атлетичар Дарио Ивановски продолжува со одличните настапи на меѓународната сцена, овојпат со силно издание на маратонот во Белград каде што се искачи на второто место.
Ивановски ја заврши трката со време од 2 часа, 9 минути и 35 секунди, што му донесе сребрена позиција во силна конкуренција. Победата му припадна на Гемсида Гада од Етиопија, кој низ целта мина за 2:09.11, додека трет заврши Џон Ерот од Кенија.
На маратонот во главниот град на Србија учествуваа над 2.350 натпреварувачи.
