Петгодишно девојче од Панчево почина како последица на тешките повреди здобиени во пожарот што го зафати нивниот дом на 24 март.
Пожарот избувнал во вечерните часови во куќа на улицата „Олга Петров“. Мајката, Миљана, успеала преку прозорец да ги извлече двете помали ќерки на безбедно. Во меѓувреме, таткото Марко влетал во запалената куќа за да ја спаси најстарата ќерка, која во тој момент се наоѓала во бањата.
При спасувањето, и двајцата се здобиле со тешки изгореници и вдишале големо количество чад, по што итно биле пренесени во болница. Марко набргу им подлегнал на повредите, додека девојчето, и покрај напорите на лекарите, синоќа ја изгуби животната битка.
Веста ја пренесува Podzemlje.republika
