Фото: Принтскрин
Кире Михаилов информира за голема акција во која биле затекнати 20 луѓе и била одземена голема количина на дрва.
„Во добро испланирана и координирана акција, шумочуварската служба при ПШС “Беласица” Струмица, Шумската Полиција од Струмица заедно со Шумската Полиција од Валандово со поддршка на СВР Струмица фатија добро организирана група дивосечачи од село Баница кои превезуваа дрва кои беа нежигосани, без соодветна документација, посечени на места кои не се дозволени за сеча.
На лице место беше затекната група со повеќе од 20 луѓе, беше одземена поголема количина дрва и беа изготвени седум соодветни записници.
И сега, да не пишувам повторно се исто, борбата ќе продолжи, нулта толеранција за дрвокрадците, тоа секако се подразбира, сега ќе напишам нешто друго, поразлично.
Да не биде секогаш вака да си играме добри и лоши момци со овие луѓе и сите кои работат вакви слични работи до недоглед, нив, некој во изминатите децении ги оставил ова да го работат постојано.
Системот им го дозволил ова!
Да, системот!!!
Сега, системот ќе мора на овие луѓе најпрвин да им обезбеди друга егзистенција, а пред или после тоа да ги едуцира каква и колкава е штетата која нивните активности ја прават врз природата и екосистемот воопшто.
Да, дел жители на Баница кои порано беа сериозни дрвокрадци заминаа во странство, побараа азил низ Германија и останати држави по белиот свет, но решението не е тоа, каменот си тежи дома и треба заеднички да го бараме решението и да го спроведеме.
Инаку, гледате, ако се сака, се се може, сега има механизми и технологија и ако сака системот, ќе стави ред на секое поле“, се вели во објавата.
