Детали од видео-снимките: „Зошто ме тепаш цело време, по бубрези ме удираш“ – прашува расплаканата Ивана, додека Стојанче се смее

Продолжува судскиот процес против Стојанче Јовановски, кој е обвинет за семејно насилство врз сопругата Ивана Јовановска, која падна од балкон со својата ќерка на 2 март годинава.

Денеска во суд беа презентирани нови снимки на кои може да се забележи дека Стојанче ја малтретирал неговата сопруга.

„Зошто ме удираш, зошто ме удри, ајде кажи ми“, прашува Ивана, по што на снимката се забележува дека Стојанче се смее, додека таа плаче.

Потоа Ивана со раката се држи кај бубрезите, а Стојанче ја исмејува и вели „Еве кај ме удри“ додека ја имитира.

„По бубрези ме маваш зашто сам ми имаш кажано дека татко ти мавал по бубрези кога бил полицаец, за да не се познава“, му вели таа.