Путин и Ердоган имале важен разговор – ги споменале Иран и Украина

Претседателот на Русија, Владимир Путин разговарал на телефон со првиот човек на Турција, Реџеп Таип Ердоган, а во центар на внимание била ситуацијата на Блискиот Исток.

Лидерите на двете земји констатирале дека е потребно постигнување на мир на Блискиот Исток и се заложиле за постигнување на компромис кој е во интерес на сите земји во регионот.

Путин му се заблагодарил на Ердоган и поради тоа што покажал подготвеност да помогне во одржување преговори за Украина.

Тие разговарале и за билатералните односи меѓу двете земји, но и реализација на заеднички стратешки проекти во енергетскиот сектор.