Фото: Ohrid1.com
Охрид вечерва е погоден од сериозен прекин во снабдувањето со електрична енергија, при што значителен дел од градот остана во целосен мрак.
Според информации од граѓани, струја нема во населбата Христо Узунов, како и во Велгошти и Лескоец. Проблеми со напојувањето се пријавени и во делови од Далјан, долж улицата Железничка, како и на повеќе други локации низ градот.
Прекинот, како што сведочат жителите, се случил ненадејно и без никаква претходна најава, што предизвика реакции и загриженост, особено кај оние кои се соочуваат со проблеми во секојдневните обврски.
Во моментов нема официјална потврда за причините за дефектот, ниту информации кога снабдувањето со електрична енергија ќе биде целосно обновено.
Се очекува надлежните институции во текот на вечерта или утрешниот ден да излезат со повеќе детали за настанатата состојба, пренесува ohrid1.com
Фото: www.ohrid1.com
