Почина Цвета Андоновска – најмладата партизанка во историјата од Куманово

Цвета Андоновска беше најмладата партизанка во историјата на НОБ од Куманово, како и сестра на народниот херој Тоде Думба.

Андоновска уште од 11-годишна возраст активно учествуваше во отпорот и се бореше за слобода на македонскиот народ.

„Оваа храбра жена во себе чуваше богатство од сведоштва за револуционерното минато, водејќи се од мислата дека слободата нема цена. Нејзиниот впечатлив лик ќе останат во сеќавање на многу генерации. Од мое лично име и од името на граѓаните на Општина Куманово сакам да го изразам моето најдлабоко сочувство до семејството на Цвета Андоновска, за огромната загуба со која се соочија“, напиша градоначалникот на Општина Куманово, Максим Димитриевски.